Hvað er Hringsjá?
Hlutverk Hringsjár er að veita náms- og starfsendurhæfingu
skv. lögum 55/2006 um vinnumarkaðsaðgerðir, lögum nr. 100/2007
um almannatryggingar og lögum nr. 29/1002 um málefni fatlaðra.
Markmið og stefna
Markmið Hringsjár er að veita náms- og starfsendurhæfingu fyrir einstaklinga,
18 ára og eldri sem vegna sjúkdóma, slysa, fötlunar eða annarra áfalla þurfa á
endurhæfingu að halda til að takast á við nám og/eða að stunda atvinnu á
almennum vinnumarkaði. Námið hentar einnig þeim sem hafa litla grunnmenntun
eða sértæka námserfiðleika.
Endurhæfingin felst í einstaklingsmiðuðu námi í formi styttri námskeiða eða
fullu einingarbæru námi með sérhæfðri ráðgjöf og stuðningi. Námið miðast við að:
- leggja eða endurnýja almennan þekkingargrunn einstaklinga
- undirbúa einstaklinga fyrir almenn skrifstofu- og þjónustustörf.
- efla persónulega færni einstaklinga.
- efla félagslega færni einstaklinga
- auka samfélagslega þátttöku einstaklinga.
- auka lífsgæði einstaklinga og fjölskyldna þeirra.
Sérstaða
Sérstaða Hringsjár felst m.a. í því að um er að ræða einstaklingsmiðað nám.
Samhliða kennslu býðst notanda þjónustunnar að nýta sér sérfræðilega ráðgjöf
og í ákveðnum tilvikum er um að ræða einstaklingsmiðaða einkakennslu.
Stjórn Hringsjár
Öryrkjabandalagið skipar í stjórn Hringsjár, sem fundar að jafnaði mánaðarlega.
Núverandi stjórn er bráðabirgðastjórn til 31. desember 2010 og er þannig skipuð:
Hringsjá náms– og starfsendurhæfing, Hátúni 10d, 105 Reykjavík
Sími: 510 9380 Fax: 562 2843 Tölvupóstur: rlinda@hringsja.is
Opnunartími Hringsjár er mánudaga-fimmtudags frá kl. 8:30-12:00 og 13:30-15:30,
en á föstudögum frá kl. 8:30-12:00.