Efni fyrir nemendur

Verkefni fyrir námskeiðið Tölvugrunnur

• Texti til að æfa mús.
• Lyklaborðsæfingar 1.

• Verkefni fyrir grunnnámskeið (32 Mb pakki).

Leiðbeiningar fyrir að sækja verkefnapakkann:

1. Smelltu á tengilinn hér fyrir ofan. Þá opnast gluggi á miðjum skjánum eða neðst.
2. Smelltu Save as (Vista sem). Þá opnast annar gluggi til að vista pakkann.
3. Smelltu á Desktop (Skjáborð). Þú getur valið það í listanum vinstra megin í glugganum.
4. Smelltu á hnappinn Save (Vista). Bíddu þar til tölvan hefur sótt pakkann.
5. Þegar búið er að sækja skjalið: Lokaðu öllum gluggum svo þú sjáir Skjáborðið.

Pakkinn opnaður:

1. Opnaðu pakkann Hringsja-namskeidsverkefni. Í pakkaglugganum áttu þá að sjá eina gula möppu Námskeið. Í henni eru öll verkefnin.
2. Ef með þarf: Stilltu stærð gluggans þannig að þú sjáir Skjáborðið á bak við.
3. Dragðu gulu möppuna Námskeið úr pakkaglugganum út á Skjáborðið.
4. Ath. Þessi aðgerð afritar gulu möppuna, sem þýðir að hún er áfram til í pakkanum.
5. Lokaðu pakkaglugganum, en ekki eyða pakkanum. Þú getur sótt verkefnin þangað aftur seinna ef þú vilt rifja upp.
6. Opnaðu gulu verkefnamöppuna sem þú dróst út úr pakkanum. Í henni áttu að sjá verkefnin í röð.
7. Opnaðu hvert verkefni fyrir sig til að vinna með það. Fylgdu leiðbeiningum í handbókinni.
8. Eftir að þú hefur unnið verkefnið, geturðu vistað breytingarnar eða sleppt að vista ef þú vilt æfa þig aftur.
9. Ef þú vilt endurtaka verkefnin, getur þú dregið verkefnin aftur úr pakkanum.

Verkefni fyrir UTN1036 bókina

Á heimasíðu Jóhönnu Geirsdóttur, höfundar bókarinnar.
Mikilvægt: Þegar verkefni er sótt er mikilvægt að vista það áður en það er opnað.

Vefsíður sem styðja námið

---

Stoðkennarinn

Stoðkennarinn er vefur með gagnvirku námsefni í íslensku, stærðfræði, ensku, tölvugreinum o.fl. Til að fá aðgang að Stoðkennaranum þarf að kaupa áskrift. Nemendur í fullu námi hjá Hringsjá hafa aðgang að öllu efni á Stoðkennaranum til að styðja við nám sitt í Hringsjá. Veffang: stodkennarinn.is

---

Vélritun

	Sense-lang er vefur á íslensku með vélritunaræfingum og leiðbeiningum um fingrasetningu. Einnig nokkra vélritunarleiki. Veffang: sense-lang.org/typing/icelandic.php
	Fingrafimi er vefforrit hjá Námsgagnastofnu. Það er stílað inn á yngri notendur, en hentar ágætlega byrjendum á öllum aldri. Veffang: http://vefir.nams.is/fingrafimi

---

Ensk stafsetning

Jspell.com er vefur sem býður upp á leiðréttingar á stafsetningu fyrir ensku og fleiri mál. Ábending: Til að nota vefinn fyrir t.d. tölvupóst þarf að afrita enska textann á jspell síðuna, láta síðuna athuga stafsetninguna og koma með leiðréttingar og afrita textann svo til baka á upphaflega staðinn. Veffang: http://www.jspell.com/public-spell-checker.html

---

Vefsíður fyrir byrjendur

Byrjendur þurfa að æfa sig með músina og læra að umgangast glugga, hnappa og fleiri tæki sem eru notuð í forritum og á vefsíðum. Hér er vefsíða með tengla á aðgengilegt efni á vefsíðum: nam.is/byrjendur

---

Rasmus

Rasmus er vefur með námsefni í stærðfræði, tölvulæsi o.fl. Veffang: rasmus.is

---

Hvar.is

Hvar.is er vefur landsaðgangs að rafrænum gagnasöfnum og tímaritum. Aðgangurinn er ókeypis fyrir notendur á Íslandi. Veffang: hvar.is

---

Snara.is

Snara.is er vefbókasafn sem gefur aðgang að ýmsum vefbókum. Þetta er áskriftarvefur, en talsvert af efninu er aðgengilegt án endurgjalds, t.d. kortabókin og beygingarlýsingar íslenskra orða. Veffang: snara.is

---

Gegnir.is

Gegnir er bókasafnsvefur sem gefur upplýsingar um bækur sem eru til í bókasöfnum á Íslandi. Veffang: gegnir.is

---