Núvitund

Mynd

Yfirlit námskeiða

Markmið

Markmið námskeiðsins er að þátttakendur þjálfi með sér færni í að gera núvitundaræfingar og í að dvelja meira í núinu.

Leiðin að því markmiði felst í því að fjalla um núvitund (mindfulness), hvaða áhrif hún hefur á hegðun okkar, líðan og andlega heilsu og fara yfir þær aðferðir sem hægt er að beita til þess að rækta með sér aukna núvitund.

Innihald
  • Hvað er núvitund (mindfulness)?
    Núvitund skilgreind á skýran hátt og útskýrt í hverju hún flest.
  • Hvaða áhrif hefur núvitund á okkur
    Fjallað um heilsufarslegan ávinning af því að stunda núvitundaræfingar bæði fyrir andlega og líkamlega heilsu.
  • Hvernig ræktum við með okkur aukna núvitund
    Fjallað um hinar ýmsu núvitundaræfingar sem hægt er að stunda. Einnig fjallað um einföld ráð til að tengja sig meira við núið í daglegu lífi.
  • Núvitundaræfingar í tíma
    Gerðar eru stuttar núvitundaræfingar í hverjum tíma til að auka færni og auðvelda þátttakendum að tileinka sér æfingarnar.
  • Að vinna áfram með núvitund
    Þátttakendur hvattir til að gera áætlun um hvernig þeir vilja beita núvitund í framhaldi af námskeiðinu í eigin lífi. Ræddar mögulegar hindranir sem geta komið í veg fyrir áframhaldandi iðkun og mögulegar lausnir við þeim kannaðar.
Námsefni

Útprentuð vinnubók með kennsluefni og æfingum.
Smáforritið Happ app sem er ókeypis app og inniheldur núvitundaræfingar á íslensku.

Kennsluaðferð

Fyrirlestrar, umræður og æfingar sem bæði eru gerðar á staðnum og heima.

Ávinningur

Áhrif núvitundaæfinga hafa verið mikið rannsakaðar undanfarin 20 ár og ítrekað hefur verið sýnt fram á mikinn ávinning fyrir bæði líkamlega og andlega heilsu. Meðal þess sem komið hefur fram er að reglubundin iðkun getur eflt ónæmiskerfið (þannig að við verðum síður veik), dregið úr einkennum þunglyndis og kvíða, aukið andlega vellíðan, skapað meira andlega jafnvægi o.fl.

Lengd 5 skipti, 2 klst. í senn.
Tímasetning

Almennt daglega frá mánudegi til föstudags.

Sjá nánar í yfirliti námskeiða.

Kennari Helga Arnardóttir, Master of Science í félags- og heilsusálfr., diplomagráða í jákvæðri sálfræði.

Hringsjá náms– og starfsendurhæfing, Hátúni 10d, 105 Reykjavík
Sími: 510 9380 Tölvupóstur: hringsja@hringsja.is

Opnunartími Hringsjár er mánudaga-fimmtudags frá kl. 8:30-12:00 og 12:30-15:30,
en á föstudögum frá kl. 8:30-12:00.