Námskeið Hringsjár á haustönn 2010
Kennt er á Windows umhverfið, ritvinnslu, Internetið og tölvupóst. Nemendur fá einnig að spreyta sig á teikningu
og prófa Excel.
Kennari kynnir hugtök og sýnir vinnubrögð, en annars fara nemendur yfir efnið á eigin
hraða með hjálp kennara. Nemendur sem ljúka grunnverkefnunum fá aukaverkefni við hæfi. Nemendur fá til eignar vandaðan
bækling með leiðbeiningum og verkefnum og geta sótt verkefnin á netið til að æfa sig heima.
Yfirlit námskeiða
Námskeiðinu er ætlað að efla getu nemenda til að tjá sig og vera til.
Þetta verður gert á skemmtilegan og líflegan hátt í 10 tímum, þar sem farið
verður í ýmsa vel þekkta leiki úr m.a. leiklistarkennslu.
Nemendur leysa verkefni í tímum, þar sem þeir öðlast þjálfun í framkomu.
Auk þessa verður hluta námskeiðsins varið í að auka vitund nemenda um
nauðsyn góðrar umhirðu líkama og sálar, í þágu sjálfsstyrkingar og vellíðunar.
Innihald námskeiðs:
- Kynnast hvort öðru – kynningarleikir og spjall
- Framkoma – hvernig berum við okkur – fyrstu kynni
- Virkja ímyndunaraflið – spunaleikir – frjó hugsun
- Unnið með rödd og raddbeitingu.
- Status vinna – vinnum með lágan og háan status
- Heilsa og næring
- Tjáning – ýmsar leiklistaræfingar
- Umhirða húðar og hárs, tíska og stíll
- Traust og hlustun – hlustunaræfingar og traustleikir
- Sjálfsöryggi, upprifjun og samantekt í lokin
Yfirlit námskeiða
Nemendum Hringsjár, sem greindir eru með lesblindu býðst Davis lesblinduleiðrétting.
Davis lesblinduleiðrétting er einstaklingsnámskeið sem tekur um 40 kennslust./30 klst.
Unnið er í 5-7 daga lotu með ráðgjafa.
Nánari upplýsingar
Yfirlit námskeiða
Námskeiðinu er ætlað að skapa áhuga á stærðfræði og jákvætt viðhorf til greinarinnar.
Byggt er á nýstárlegum kennsluaðferðum sem kenndar eru við Numicon, þar sem nemendur læra að meðhöndla tölur með áþreifanlegum
hætti með skemmtilegum æfingum. Beitt verður óhefðbundnum aðferðum í kennslunni
og nemendur vinna einnig í hópum. Viðurkenndar erlendar kennsluðferðir eru notaðar
en þær byggja að stórum hluta á að gera tölurnar áþreifanlegar og raunverulegar.
Kennt verður frá grunni og ekki er gert ráð fyrir forþekkingu nemenda. Að námskeiðinu
loknu munu nemendur uppgötva að hræðslan við stærðfræði var algjör óþarfi.
Innihald námskeiðs:
- Kynning á námskeiðinu og helstu kennsluaðferðir
- Að gera stærðfræði raunverulega og tengja við daglega lífið
- Notkun forma og hluta
- Áhugaverðar æfingar í hópum
- Að læra stærðfræði með sjónrænum og áþreifanlegum hætti
- Að viðfangsefni stærðfræðinnar verði skemmtileg og áhugaverð
Með talnaspjöldum Numicon er leikur að læra stærðfræðina í Hringsjá
Nánar um aðferðina
Numicon er ensk stærðfræði og námsgögn sem eru byggð á hugmyndum Montessori, Stern og Cuisenaire.
Numicon aðferðin byggist á að gera tölur raunverulegar og áþreifanlegar,
m.a. í gegnum sjón, snertingu og sköpun.
Aðferðin hentar t.d. þeim sem hafa átt erfitt með að læra stærðfræði
eða þar sem hefðbundnar aðferðir við stærðfræðikennslu hafa ekki hentað.
Áhersla er á að hver og einn læri á þeim hraða sem hentar honum best.
Numicon aðferðin veitir nemendum aukið sjálfstæði, betri einbeitingu,
aukna ánægju við stærðfræðinámið og umfram allt – góðan stærðfræðigrunn.
Numicon aðferðin er notuð bæði með börnum og fullorðnum í mörgum löndum en
Hringsjá er fyrsti skólinn á Íslandi til þess að nota þessa aðferð með fullorðnum.
Yfirlit námskeiða
Á námskeiðinu verður kennd tækni til þess að efla og bæta minnið.
Námskeiðið hentar þeim sem eiga við hversdagsgleymsku að stríða, hafa skert minni
eftir veikindi eða áföll eða vilja bæta minni sitt af öðrum ástæðum.
Með því að beita minnistækni nýtum við tíma okkar betur, erum skipulagðari,
sjálfsöryggi eykst og allt nám gengur betur.
Tæknin byggir á ævafornum aðferðum sem hafa staðist tímans tönn.
Kenndar verða aðferðir sem m.a. hjálpa við að:
- Takast á við hversdagsgleymsku (hvar setti ég lyklana, gleraugun, hvenær á ég tíma hjá lækninum o.s.frv.)
- Muna mikið magn upplýsinga (nýtist sérstaklega vel í námi!)
- Muna nöfn
- Muna ártöl og aðrar tölur
- Muna dagsetningar og atburði
- Bæta skipulagningu og tímastjórnun
Kennt verður í litlum hópum, alls 8 skipti í 2 klukkustundir í senn. Nánar um hvað er gert í hverjum tíma:
- Hvað er minnistækni og hvenær er gott að nota?
- Hvers vegna munum við sumt en gleymum alltaf öðru?
- Hinar ýmsu minnisaðferðir skoðaðar
- Að muna nöfn
- Að muna ártöl og tölur
- Dagsetningar og atburðir
- Hugarkort – Að bæta skipulag og minni
- Upprifjun og samantekt
Leiðbeinandi á námskeiðinu verður Kolbeinn Sigurjónsson.
Yfirlit námskeiða
Getur þú ekki lært ensku? Þá gæti þetta verið fyrir þig. Námskeiðið er hugsað fyrir þá sem eiga
mjög erfitt með að læra tungumál.
Notast er við myndrænar og jafnvel óhefðbundnar aðferðir sem nýst hafa vel á öðrum sviðum.
Áhersla er lögð á að bæta orðaforða og að auka sjálfstraust nemenda. Ekki eru gerðar kröfur til
mikillar ritunar- eða málfræðikunnáttu. Markmiðið er að kennslan mæti þörfum og getu nemandans en ekki öfugt.
Innihald námskeiðs:
- Kynning og inngangsæfingar
- Ólíkar námsaðferðir fyrir ólíka nemendur
- Uppbygging orðaforða
- Leiðir til að læra ensku með hlustun
Unnið er út frá hugmyndum um minnisfræði varðandi það hvernig við (þ.e. heilinn)
lærir hluti betur. Notast verður við myndræna, verklega nálgun og skapandi nálgun
- lágmarks ritun!
Yfirlit námskeiða
Farið er í undirstöðuatriði í bókfærslu.(30 kennslustundir).
Innihald námskeiðs:
- Helstu atriði í bókfærslu og tilgangur bókhalds.
- Helstu hugtök s.s. debet, kredit innskattur, útskattur o.fl
- Færsla á dagbók og prófjöfnuður
- Aðalbók kynnt litillega.
Yfirlit námskeiða
Kennt er á Excel. Sem fyrr er lögð áhersla á sjálfstæð
vinnubrögð nemenda þar sem kennarinn aðstoðar hvern og einn eftir þörfum.
Markmið: Þátttakendur kynnast uppbyggingu töflureikna og
læra að beita einföldum reiknireglum. Kennt verður að nota einfaldar
formúlur og að útbúa myndrit. Námsefnið er meðal annars frá stodkennarinn.is og tolvunam.is.
Að námskeiðinu loknu eiga þátttakendur að geta haft hagnýt not af þessu öfluga forriti.
Helstu atriði sem kennd eru á námskeiðinu eru:
- Undirstöður í Excel: Vinnuumhverfið, borðinn og flipar, innsláttur
- Vinnuumhverfi Excel: Vinnusíðan, vistun
- Helstu föll og notkun þeirra
- Útlitsmótun: rammar, bakgrunnur, dálkar, línur o.fl.
- Uppsetning síðu og prentun
- Formúlugerð
- Lánaútreikningar
Yfirlit námskeiða
Fjármál á mannamáli
| Markmið |
Námskeiðinu er ætlað að fá þátttakendur til að fá yfirsýn yfir eigin fjármál og auka fjármálalæsi
|
| Markhópur |
Fyrir fólk sem vill auka þekkingu sína á eigin fjármálum.
|
| Innihald |
Samskipti við ýmsar opinberar stofnanir
Skattamál – launaseðlar og skattaskýrslur
Efnahagsumhverfið, gengismál, verðbólga, vextir.
- Hvað þýðir að krónan sé veik og hvað þýða gengisbreytingar?
- Hvaða áhrif hefur verðbólga á mínar tekjur?
- Hvað eru stýrivextir og hvert er hlutverk Seðlabanka?
- Af hverju skapast atvinnuleysi?
Þessum spurningum og ýmsum öðrum verður leitast við að svara á námskeiðinu.
|
| Námsefni |
Nemendur fá til eignar vandaða möppu með ýmsum hagnýtum upplýsingum.
|
| Kennsluaðferð |
Umræðuefni kennslustundar kynnt og farið ítarlega í efnið í umræðuformi.
|
| Ávinningur |
Að námskeiðinu loknu eiga þátttakendur að fá betri skilning og
yfirsýn yfir fjármálin sín og geta þannig stjórnað sínum fjármálum á markvissari hátt.
|
| Lengd |
30 kennslustundir
|
| Tímasetning |
Almennt þriðjudaga og fimmtudaga
|
| Kennari |
Halldór Örn Þorsteinsson, viðskiptafræðingur MSc og stærðfræðikennari í Hringsjá
|
Yfirlit námskeiða