Texti til að æfa músina

Hér er hægt að æfa þær aðgerðir með músinni sem textinn lýsir.

Breytingarnar varðveitast ekki. Ýttu á F5 lykilinn til að sækja síðuna aftur (og þar með þurrka út allar breytingar).

Það er líka hægt að skrifa nýjan texta hér, en hann hverfur þegar síðan er sótt aftur.

BENDA

Setja músarbendillinn á einhvern hlut á skjánum. Oft breytir bendillinn um lögun eftir því hvar hann er. Lögunin gefur vísbendingu um hvað hægt er að gera með músinni á þeim stað.

Æfing 1: a) Færðu músarbendilinn yfir skjáinn og bentu á ýmsa staði. Breytist músarbendillinn?

SMELLA

Smella einu sinni með VINSTRI hnapp. Til að velja það sem músarbendillinn bendir á.

Æfing 2: a) Smelltu á orð í þessum texta. Hvaða áhrif hefur það? b) Svar: Textabendillinn (sá sem blikkar) færist þangað sem þú smelltir.

HÆGRISMELLA

Smella einu sinni með hægri hnapp. Kalla fram lista með aðgerðum fyrir hlutinn sem músarbendillinn bendir á.

Æfing 3: a) Hægrismelltu á þennan texta. Veldu aðgerðina Velja allt (e. Select All) til að velja allan texta. b) Hvernig sést að hann er valinn? c) Smelltu einu sinni til að textinn sé ekki lengur valinn.

TVÍSMELLA

Smella TVISVAR HRATT. Velja og framkvæma um leið. Æfing 4: a) Bentu á eitt orðið og tvísmelltu. Nú á orðið að vera valið. b) Hægrismelltu á valda orðið og veldu Eyða (e. Delete). Orðið hverfur. c) Ýttu á F5 lykilinn til að sækja siðuna aftur.

DRAGA

Benda á hlut, HALDA NIÐRI músarhnappi OG FÆRA músina. Hluturinn á að færast með.

Æfing 5: a) Dragðu músina yfir allan textann í þessari æfingu. b) Hægrismelltu á valda textann og veldu Afrita (e. Copy). c) Smelltu í tómu línuna ofan við Æfingu 4. d) Hægrismelltu á sama stað og veldu Líma (e. Paste) e) Nú á Æfing 5 að vera á tveimur stöðum. f) Ýttu á F5 lykilinn til að sækja síðuna aftur.

*********************************************************

Svo er hægt að nota músina með lyklaborðinu. Nokkur dæmi:

*********************************************************

SHIFT lykill + SMELLA

Halda niðri Shift lykli og smella. Velja fleiri en einn samliggjandi hlut.

Æfing 6: a) Smelltu framan við a) í þessari línu. b) Haltu niðri Shift lykli og smelltu aftan við þessa línu. c) Nú eiga liðir a) og b) að vera valdir. d) Eyddu textanum (sláðu á Delete). Sæktu svo síðuna aftur (ýttu á F5).

CTRL lykill + DRAGA

Halda niðri Ctrl lykli og draga. Búa til afrit eða velja fleiri en eitt svæði.

Æfing 7: a) Veldu alla þessa æfingu. b) Haltu niðri CTRL lykli og dragðu textann yfir í Æfingu 6. c) Slepptu músinni. Nú á Æfing 7 að vera tvisvar.