Fréttir og tilkynningar
Sumarlokun
Hringsjá er lokað vegna sumarleyfa frá og með föstudeginum 5. júní nk. og opnar aftur
miðvikudaginn 4. ágúst.
Nýnemar á haustönn hefja nám sitt hjá Hringsjá miðvikudaginn 18. ágúst
en almenn kennsla á haustönn 2010 hefst þriðjudaginn 24. ágúst kl. 8:45.
Soroptimistaklúbbur Seltjarnarness
 |
Hringsjá hefur hlotið kr. 300.000 styrk frá Soroptimistaklúbbi Seltjarnarness. |
Klúbburinn fékk nýverið kynningu á starfsemi Hringsjár og hélt jafnframt fund í húsnæði Hringsjár.
Tveir fyrrverandi nemendur, Helga Sigurðardóttir og Brynjólfur Jónsson sögðu frá
reynslu sinni af náminu við þetta tækifæri og hljóta bestu þakkir fyrir.
Soroptimistaklúbbur Seltjarnarness fær bestu þakkir fyrir þessa góðu gjöf og fyrir að
sýna starfsemi Hringsjár áhuga og velvild.
Þakkir til Oddfellowstúku nr. 3
 |
Oddfellowstúka nr. 3 Hallveig I.O.O.F. hefur fært Hringsjá kr. 250.000 að gjöf. |
Í gjafabréfi frá Birni Gústafssyni yfirmeistara stúkunnar kemur fram að það sé von þeirra og
trú að ráðstöfunin komi sem flestum að notum sem þurfa á náms- og/eða starfsþjálfun að halda.
Það er alveg öruggt og hér með er þakkað kærlega fyrir þessa góðu gjöf.
Inntaka nýnema á haustönn 2010
Inntöku nýnema fyrir haustönn 2010 er lokið. Alls sóttu 82 nemendur um fullt nám en einungis var unnt að
veita 23 nemendum inngöngu eða 28% af þeim sem sóttu um.
Allir nemendur sem sóttu um hafa fengið sent bréf í almennum pósti.
Þeir sem ekki hlutu inngöngu að þessu sinni
en hafa áhuga á að stunda náms- og starfsendurhæfingu hjá Hringsjá eru hvattir til að hafa samband og endurnýja
umsóknir sínar.
Sumarið er tíminn!
Hvað ætlar þú að gera í sumar?
Kynntu þér fjölbreytta, skemmtilega (og ódýra) valkosti sem við höfum tekið saman á
nemendasíðunni.
Hvað er í boði?
SÍBS og Rauði krossinn hafa gefið út bæklinginn Hvað er í boði? en í honum er að finna upplýsingar
um ýmsa ódýra eða ókeypis þjónustu s.s. námskeið, líkamsrækt og útivist.
Rafræna útgáfu (PDF) er hægt að nálgast hér. Ath. þetta er stór bæklingur svo ekki reyna að prenta hann allan!
Útskrift
Smelltu á mynd til að sækja stóra útgáfu (4 MB)
Þann 12. maí sl. var 21 nemandi útskrifaður frá Hringsjá – náms- og starfsendurhæfingu eftir 2 ára nám.
Athöfnin fór fram í húsnæði skólans að Hátúni 10d í Reykjavík.
Fjöldi gesta var viðstaddur athöfnina og Hörður Torfason flutti tónlist og hátíðarávarp.
Aðrir nemendur, 43 talsins fengu afhentar einkunnir. Guðmundur Norðdahl, nemandi á 2. önn fékk afhent sérstök framfaraverðlaun.
Nemendur sem útskrifuðust að þessu sinni hafa allir verið skráðir í framhaldsnám eða hafa tryggt sér atvinnu á almennum markaði.
Greiðsluupplýsingar:
Fyrir þá sem vilja greiða efnisgjöld eða námskeiðsgjöld með rafrænum hætt eru hér nauðsynlegar upplýsingar:
Kennitala Hringsjár: 540987-2549
Reikningsnúmer: 0111-05-1765
Muna að setja kennitölu sem skýringu!
Frábær árangur!!!
Kennslu vorannar er lokið og próf hefjast í næstu viku.
Það er gaman að segja frá því hversu mjög meðaltalsmæting hefur hækkað verulega hjá Hringsjá og er það vel.
Hér má sjá meðaltalsmætingu hjá hverjum hópi á seinni lotu annarinnar:
1A
85%
1B 81%
2A 84%
2B 72%
3A 81%
3B 73%
Það besta við þetta yfirlit er að allar annir eru vel yfir þeim kröfum sem gerðar eru um lágmarksmætingu.
Þökkum góða gjöf
Soropimistaklúbbur Reykjavíkur hefur ákveðið að styrkja Hringsjá um kr. 100.000. Klúbburinn hlýtur margar þakkir fyrir og styrkurinn mun koma að góðum notum.
Þakkir til Rótarýkúbbsins Borgir í Kópavogi
| Rótarýklúbburinn Borgir í Kópavogi hefur ákveðið að styrkja Hringsjá um kr. 75.000.
|
Styrknum er sérstaklega ætlaður til þess að styrkja einstaklingsaðstoð við þá sem eru afar illa
staddir í námi en þema marsmánaðar hjá klúbbnum var ólæsi. Klúbburinn fékk nýverið kynningu á starfsemi Hringsjár.
Styrkurinn kemur að góðum notum og hér með er Rótarýklúbbnum Borgir í Kópavogi þakkað vel fyrir þennan góða styrk.
Þarftu að endurmeta eða styrkja stöðu þína til að komast aftur út á vinnumarkaðinn?
Þá gæti HRINGSJÁ verið rétti staðurinn fyrir þig.
| HRINGSJÁ er náms- og starfsendurhæfing fyrir fólk sem vill komast aftur út á vinnumarkaðinn eftir hlé
vegna sjúkdóma, slysa eða annarra áfalla.
Hafðu samband ef þú telur að Hringsjá gæti hjálpað þér áleiðis að því að komast í nám eða vinnu.
Þú getur sótt umsóknareyðublað hér eða komið í heimsókn. Láttu mynd fylgja með umsókninni.
Nú er tekið á móti umsóknum um námskeið á haustönn 2010 og
um fullt nám á vorönn 2011.
|
Ef þú hefur áður sótt um en ekki fengið inngöngu er mikilvægt að staðfesta fyrri umsókn ef þú hefur enn áhuga.
Þú ættir líka að kanna möguleika á þátttöku á námskeiðum á vorönn.
Hringsjá stökkpallur
Þessi frétt birtist í skólablaði Fréttablaðsins þriðjudaginn 18. maí 2010:
Eftir að Þorvaldur Ásgeirsson slasaðist illa á sjó sumarið 2006 tók líf hans nýjan kúrs.
Hann hafði starfað við sjómennsku frá 1989 en meiðslin sem hann hlaut útilokuðu hann frá líkamlegri vinnu og
skólamenntun hans var til fárra fiska metin. Vonleysið helltist því yfir. Nú er hann kominn langleiðina með Háskólabrúna
í Keili og er á leið í nám í orku-og umhverfis-tæknifræði í haust við sama skóla. Hvað gerðist?
"Ég væri ekki á þessari leið ef ég hefði ekki komist inn á Reykjalund í endurhæfingu því þar fór að rofa til.
Ég fékk mikinn stuðning til að komast inn í Hringsjá, náms- og starfsendurhæfingu, og mér opnaðist nýr heimur.
Í uppvextinum þvældist ég milli grunnskóla og á unglingsárunum sat námið algerlega á hakanum þannig að ég kolféll
á samræmdu prófunum. En í Hringsjá fékk ég allan grunninn og kennslan þar hefur nýst mér rosalega vel.
Ég tók bara tvær annir af þremur og fór beint á Háskólabrúna í Keili í fjarnámi. Þar er ég á raungreinasviði
og hef fengið góða meðaleinkunn í því sem komið er. Brautin klárast í júlí og ég byrja í orku- og
umhverfistæknifræðinni í ágúst. Þá fæ ég íbúð á gamla Varnarliðssvæðinu."
Þorvaldur kveðst hafa lært að vinna á sjónum og sú reynsla hafi nýst honum í náminu því þar gerist ekkert
fyrirhafnarlaust. "Hringsjá gerði kraftaverk á mér, hún var stökkpallur út í nýtt líf. Margir sem voru með mér
þar hafa líka komist vel áfram. Einn er til dæmis farinn að kenna. Það er góður árangur."
Fréttin á netinu
Ný stjórn Hringsjár
Skipuð hefur verið ný stjórn fyrir Hringsjá og er það er bráðabirgðastjórn til 31. desember 2010.
Á myndinni eru frá vinstri: Lilja Þorgeirsdóttir, framkvæmdastjóri ÖBÍ, Grétar Pétur Geirsson og Guðbjörg Kristín Eiríksdóttir frá Sjálfsbjörgu,
Halldór Sævar Guðbergsson frá Blindrafélagi Íslands, sem jafnframt er formaður stjórnar og
Linda Skúladóttir, forstöðumaður Hringsjár.
Sjá nánar á síðu um Hringsjá.
Starfsmenn Hringsjár
Starfsmenn Hringsjár hafa fjölbreytta reynslu af skóla- og félagsstarfi og úr atvinnu- og listalífinu.
Sjá nánar á starfsmannasíðu.
Kynningarbæklingar
Í kynningarbæklingum Hringsjár er að finna helstu upplýsingar um starfsemina.
Aðalbæklingurinn
Smelltu á myndina til að sækja rafrænt eintak af bæklingnum.
Bæklingur um námskeiðin
Smelltu á myndina til að sækja rafrænt eintak.